日籍女模蛯原友里師妹阪井步美昨日現身電台宣傳派台歌，身為日本雜誌《Can Cam》御用模特兒的她以低胸裝示人，卻不慎露出心口兩塊雙面膠紙，認真失策！不過步美卻不認為自己打扮性感：「我今日只係作可愛打扮，唔識打扮性感！」問她可接受跟香港男生拍拖？她笑言：「暫時冇香港男仔追我，所以唔知。（對香港男仔有咩感覺？）我前一日喺活動上見到好多電車男，而且我除咗跟香港同事接觸外，好少同香港男仔溝通，所以唔太清楚，但我覺得佢哋好開朗健談吖！」