原本明日（4日）宴請圈中好友，因撞正台慶頒獎禮及電影《72家租客》煞科，很多圈中好友未能前來，惟有作出改動，今日先請圈中好友，明日才宴請親友及註冊，Mimi說：「要排過晒啲位，所以老公成日話第一日擺完酒都未算正式結婚。（咁係咪第二日先洞房？）呢啲嘢第二日先搞啦！」

姊妹團忙湊仔

Mimi這個新娘子更反傳統而行：「我冇上頭儀式呀！今晚都係同老公一齊瞓，啲朋友話咁樣唔得，算啦，我都好耐冇返阿媽屋企瞓，唔爭在呢晚。」說到兄弟姊妹，她指姊妹團包括康子妮、杜雯惠、黎瑞恩等全都要湊仔，惟有叫各人稍遲才到，Mimi說：「小恩子話訂咗好多螢光棒，喺場內同我揮動，要嚟收貨喎！佢仲話喺鴨寮街整咗個『l love Mimi』嘅燈牌畀我呢。」

文：影視組