熊黛林（Lynn）與陳豪昨晚出席Links of London專門店開幕酒會，早前Lynn到台灣出席金馬獎，回港即急不及待會愛郎，齊齊打邊爐。被問到此事，Lynn起初支吾以對，不停「哎」迴避問題，表示與城城食飯是好簡單的事。至於是她買湯料氹男友或是他要求買？Lynn甜笑說：「唔話你哋知，總之食飯真係好簡單。（有冇嘢唔簡單？）冇嘢唔簡單。」

當被問到戀情是否浮面？Lynn還死口唔認說：「根本唔係呢啲事。」被問到是她未追到城城，還是城城未追到她？她笑着說：「冇人追人。（城嫂地位不變？）唔好咁叫我，叫我Lynn好啦！（城城唔鍾意你做「城嫂」？）唔係，人哋（活動）請我出來，始終我有我嘅名。（叫你城嫂佢有冇異議？）冇，但我自己嘅名已好好聽。（叫郭熊黛林？）唔要，唔使加。」

再次被追問戀情浮面是否好開心？她終於忍唔住說：「冇沉過點浮？」正式表明兩人感情關係。被記者笑她事業愛情兩得意，她說：「我人生事業兩得意。」

穿Deep V行善

另外，Prestige Hong Kong將於明天舉行Rouge派對，邀請了一眾名模巨星拍攝獨特相片，部分還有他們的簽名，於派對中作慈善競投，收益全數捐贈「關懷愛滋」。Lynn着上超紅色Deep V晚裝裙，露出豐滿上圍。另外，譚詠麟、容祖兒、阮經天、古巨基、泳兒等均有參與拍攝。

採訪：名人組