Wylie、Yumi昨結伴到柴灣新翠商場出席聖誕活動，二人先行性感主持亮燈儀式，接着又換上背心、短褲為參加東亞運動會的香港運動員打氣。

Wylie突然跌低搶鏡。

Wylie與Yumi打扮性感主持亮燈儀式。

二人齊玩扭波射龍門及乒乓控球，雖然Wylie表現較好，但笨手笨腳的Yumi卻因緋聞纏身成焦點，為搶回風頭，Wylie突然來一招左腳絆右腳跌坐地上，成功搶鏡。

Wylie最叻搓波

事後二人齊齊接受訪問，Yumi自言沒有運動細胞，是「運動白癡」，Wylie則指自己小學時是乒乓球校隊隊員：「我搓波OK㗎，不過發咗燒三日，傻吓傻吓失平衡跌低，（感冒？）可能係收到張稅單，要交中下嘅五位數字而嚇親，跟住我就唔敢亂使錢，不過阿爸氹我話交得多即係我有賺錢能力。」為了減輕財政負擔，Wylie笑言會負責養阿嫲及供樓求有免稅額。

此外，Yumi早前再次被拍得與男友在公園拍拖，她強調只是傾偈，但承認對方是追求者，問到剛「解凍」又再惹是非可有被公司問話？Yumi說：「林生（老闆林建名）話後生女拍拖冇問題，最緊要個男仔好，仲叫我唔好去咁多公園。」

文：影視組