陳偉霆今年工作不斷，既要拍廣告、電影和出唱片，忙到連購物與休息時間也欠奉，雖然收入大增，但亦增添不少壓力。另外，近日盛傳William和Baby情海翻波，兩人回應情變一事也不欲多談，令分手傳聞更加似層層。

有傳陳偉霆與Baby已分手，男方飽受壓力，惟有掃貨減壓。	陳偉霆不慎掃跌架上的外套，隨即拾起來再擺好。	血拼近一小時，陳偉霆手拿大袋戰利品離開。

掃跌外套

壓力快將爆煲的William，日前到銅鑼灣Energie掃貨減壓。只見William專攻男裝，喪試長褲和外套，又在鏡前左照右照，相當姿整。不過當他拿起多件衣服時，不慎掃跌架上的外套，明顯心不在焉。經過近一小時的血拼，William到櫃台付款，然後挽着兩大袋戰利品離開。據知他豪花五位數買衫，認真豪爽！

事後William表示喜歡shopping，只因最近工作日夜顛倒，備受壓力，連休息也沒時間，惟有趁活動舉行前的空檔購物。他說：「我一係唔買，買嘅話都幾瘋狂。（大豐收？）都OK啦，今年秋冬開季以來第一次買衫咋。」問到為何不挑選女裝？他說：「我唔係好識買禮物送畀異性朋友，我要問清楚佢哋想要乜，然後先去買。」

否認撻着

另外，有傳Baby搭上型男黃曉明，兩人還「消失」了兩小時。Baby謂只與對方見過一次，又指是中間人介紹才認識。她說：「我哋只係點頭，絕對冇報道所講。（唱K嗰次？）嗰次只係交際應酬地方。（唔見咗兩個鐘？）冇咁嘅事。」問到會否與黃曉明有發展空間？Baby斬釘截鐵說：「冇咁嘅可能！」而黃曉明則透過經理人表示，對報道不作回應。

文：專案組