繼o靚模寫真集大戰後，第二輪o靚模年曆戰一觸即發！周秀娜（Chrissie）的噴血造型接連曝光，其勁敵鍾蕙芝（Lavina）亦不甘示弱，自爆請來猛人助陣，並表明自己行高層次路線，暗踩Chrissie的造型山寨兼低俗！
昨日，Lavina以低胸宮廷服亮相PS3遊戲活動時，就自動透露：「嚟緊都會推出年曆。」擺明狙擊Chrissie，問到造型會否比Chrissie更性感時，Lavina一臉自信地說：「等大家評論喇，我哋嘅感覺唔一樣，上次半露，今次會激好多，唔係為性感而性感。」
提高大家品味
其後，Lavina連珠炮發唱好自己年曆卡士強勁，有猛人助陣，但就拒絕透露猛人的身份：「我哋搵咗美國出名嘅品牌贊助衫，又搵咗服裝指導。」不過當講到對Chrissie的看法，Lavina直言：「我哋嘅Style唔一樣，我係要畀大家睇高層次、有品味同埋有藝術性嘅造型，提高大家嘅品味！」問她是否覺得Chrissie年曆造型山寨低級？她似有所暗示地說：「我唔可以代表全部人，到時大家睇啦！」年曆戰未正式開始已有火藥味。
柑桔紋身任睇
另外，Lavina與胡心諾（Rainbow）和陳蕊蕊（柑桔）即席示範防狼術，Lavina表示幸好從未遇過色狼，不過也有留意早前有色狼在街頭批(月爭)非禮女性的報道，她說：「佢好似將非禮人當食飯咁，如果我遇到，一定會報警，仲會捉佢嚟打！」
同場的柑桔同樣以宮廷服上陣，露出背部及手部共四個紋身，她坦言不介意：「我有五個紋身，都唔係第一次露，不過暫時唔會再紋，但係都有諗過改咗啲紋身圖案。」另外，柑桔透露讀書時，曾學習跆拳道，並考得紅帶資格。
文：名人組