古巨基昨日戴上口罩與泳兒、官恩娜（Ella）等現身活動，疑於飛機上被帶菌者傳染的基仔大叫「唔抵」說：「以後上飛機都戴罩預防。（財多身子弱？）忙碌啫，搵餐晏仔。（好豪喎！）搵埋屋企人嗰份嘛，我一家八口！」基仔透露加盟英皇後頻到內地登台搵真銀，半年內賺夠一年酬勞。問到何時結婚？他說：「再問我十次都係未諗，睇緣分啦，可能下星期就話畀大家知結婚呢。」
而略感不適的泳兒衣衫單薄上陣，原來內有乾坤，入面有打底兼穿箍腰褲保暖，她說：「之前放假食得太熱毒，加上唔夠瞓有啲唔舒服，見到基仔戴晒口罩都有啲慚愧。」至於感冒初愈的Ella聲沙沙說：「聲帶未好番，唱歌都可以嘅。（唱《囍帖街》？）唱《月亮代表我的心》。」她又自責不孝，因工作太忙而不能陪家人。