近年電影圈出現斷層，影帝人馬不外乎梁朝偉、劉青雲、黃秋生等，年輕演員都只局限於電影小品。去年樂壇新人王William就突圍而出，成為影壇新寵兒。William說：「多得咁多位導演肯畀機會我，可以試唔同角色。我第一部就接《竊聽風雲》，當時真係驚到爆，不過機會咁難得，驚都無謂，惟有邊做邊學囉！」

想演同性戀角色

Willliam希望嘗試演同性戀的角色，他說：「我成日都會睇《春光乍洩》，張國榮同梁朝偉真係冇得頂，好想試吓演嗰種騷味。」雖然受到多位導演賞識，他卻謙言不敢奢望能奪金像獎新人獎，更莫說要加片酬。但他身旁的經理人霍汶希就驚爆其片酬比起第一部戲升價十倍，嚇了William一跳。他說：「係咪由一蚊加到十蚊？因為我一向都冇理過片酬，公司接咗部戲，咁我就去做。弊喇！爆咗出嚟媽咪會叫我畀多啲家用，哈哈！」

對於緋聞女友Angelababy同樣踩入影壇，William表示不抗拒跟對方合作拍戲。他說：「我係驚佢唔OK咋，不過我年尾仲有一套杜汶澤嘅戲要拍，拍完先算啦！」

場地：the Mira Hong Kong

文：音樂組