Vincent看到化了濃妝加尖啄頭的自己亦嚇了一跳，直言好潮好激：「初時真係有啲唔慣，好在導演畀信心我，之後至漸入佳境。」

由於此曲屬跳舞作品，早前Vincent到美國工作時，特別抽了一日空檔在當地學跳舞，他說：「雖然只係上咗一堂，一小時學費就要二千港幣，但好值得，學到好多跳舞基本技巧，對將來演出好有幫助。」原來Vincent一直在港跟名排舞師Sunny Wong習舞，希望能做個跳舞歌手。