華納新人周子揚將角逐今年男新人獎，近月頻頻與師姐薛凱琪（Fiona）及師兄周柏豪出席活動，每次見他均表現得相當怕醜，不時被Fiona取笑「怕醜仔」，日前他為新歌《如果沒人發現的話》拍攝MV，導演找來參加電台選拔賽其中一名參賽者Rain任女主角，由於兩人飾演情侶，少不免有拖手、互攬等親暱行為，當導演要求子揚當街攬實女主角時，他尷尬地問：「喺度攬？」隨即面紅耳熱。

拒認面紅

醒目的女主角即示意由她作主動，最後成功一take搞掂。問子揚是否很回味與女主角的擁抱？他說：「唔係，因為拍拖經驗唔豐富，所以有少少緊張，同埋未拍過呢啲場口。（尷尬？）少少啦，始終對方係女仔。」記者取笑他面紅，子揚即說：「係咩？唔會啩，哈哈。」

拍拖免問

問他拍拖會否公開？乖仔的子揚坦言現階段不會拍拖：「事業都係剛起步，感情遲啲先。（公司唔畀？）唔係，唔想分心住，做好工作先。（有都唔拍？）暫時未遇到女神出現。」對於各大頒獎禮舉行在即，問到有否信心奪男新人獎？他說：「都有信心，最緊要做好自己，有獎係Bonus。」

採訪：音樂組