呂良偉回「娘家」無綫拍《富貴門》甚為矚目，但他卻不怕面對收視及網民的批評，他說：「冇壓力，拍攝時盡咗力就得，收視唔係我決定，網民嘅批評，都係一個平台畀人表達意見啫，啱唔啱各有睇法，都會接受人哋意見。」
呂良偉為了突破角色，刻意轉變演法，但未想過要做「視帝」，他說：「我當呢個頒獎禮係一個娛樂節目而唔係比賽，不過對演員有表揚都係好，亦畀到觀眾刺激。」
在劇中接觸到新一代演員，令呂良偉回想到以前搏殺時的情景。問到他睇好哪個當家小生？他說：「林峯幾好呀，睇過佢同趙文卓嘅《太極》，武打動作打得幾好，演亦唔差。」
