三位o靚模梁筠兒（Bambi）、李莉琳（Liz）跟蔡瑩瑩（Ivy）近日結伴到甜品屋一嘗多款特色台式甜品，此行目的除一飽口福外，亦是Bambi跟Liz的「偷師之行」，事緣她們將會合作推出一本烹飪書。
Bambi跟Liz均表示自小就對烹飪很有興趣，希望透過此書分享她們的煮食心得。Bambi表示：「我煮嘢食幾好架，中學時已經好鍾意同妹妹一齊睇電視偷師，有一次睇完《伙頭仔昆布》入面教煮棉花糖加奶，之後我哋就照樣做一次，出嚟嘅效果都幾滿意！」
大家新驚喜
在新書中的菜式會以簡單為主，務求吸引時下貪方便的香港人，Liz說：「我哋會用輕鬆有趣嘅方法寫，因為好多女仔都唔鍾意煮嘢食，希望可以教佢哋一啲比較易煮嘅菜式，而本書喺排版方面都會同好多正統嘅烹飪書好唔同，帶畀大家新驚喜。」
Ivy對食冇要求
拍攝當日Bambi跟Liz爭吃台式好立克味棉花冰，唯獨Ivy選擇了一碗不太吸引的熱糖水，她表示自己對烹飪一竅不通，對食物的要求也不高，為免教壞人，所以冇參與行動。
採訪：專案組
場地：糖百府