o靚模攻日熱潮一浪接一浪，曾殺入日本時裝騷的Kama坦言暫時放棄當地市場，但對遊覽日本這個潮人聖地依然樂此不疲。最近她又到當地狂掃今季最新的秋冬服裝，而出血的重災區就是o靚o靚妹最愛的109店。

受歐美影響

Kama興奮地說：「109有好多好Sweet嘅少女品牌，好似Rojita、Delyle同Laguna Moon。」她又表示日本潮流多受歐美影響，但日本時裝品牌的Cutting就較適合亞洲人。

懷舊Look

「可能因為日本受古着熱潮影響，六、七十年代嘅懷舊造型非常受o靚妹歡迎。今年繼續興粗Belt同高腰裙，最新Item就有復古味重嘅通花絲襪。配搭方面可以試吓玩撞色，而閃石畫家帽就係最合適不過嘅配件。」

毛毛Look

「o靚妹喺冬天最愛毛毛，貪佢貴氣又可愛，全毛毛嘅外套仲係秋冬嘅Must-Buy Item，因為去聖誕Party通常都係着Tube款嘅Party Dress或者背心裙，一件又暖又高貴嘅毛毛外套就可以大派用場。要Casual啲就可以襯Tee同牛仔褲，而連身裙配Leggings就有少女味。」

白色毛毛長身背心外套 $1,280 長袖連身裙 $890 黑白斑馬紋Ankle Boot s $1,330

白色毛毛長袖外套 $1,980 淺粉紅色連身裙 $1,170

豹紋Look

「豹紋係長青嘅圖案，今年大熱嘅係大豹紋，至於款式方面，連身裙永遠都係最易襯。今年歐美興絲襪喱士連帶款式，襯短連身裙夠晒女人味，要着出型格就襯窩釘。」

黑色喱士豹紋連身裙 　$1,100

白色鍋釘長袖冷衫 $880 白色珍珠頸鏈 $380 豹紋連身裙 $990

波點Look

「黑白波點係經典嘅小鳳姐Look，不過其實Dot Pattern一啲都唔老套，今年波點圖案落入日本少女品牌中，波點Size即時變細，仲加多咗喱士同閃令令嘅元素。除咗連身裙，波波上衫最啱襯淨色嘅高腰短裙，配埋珍珠頸鏈就係Perfect Match。」

黑白波點背心上衣 $690 黑色紗半截短裙 $820

黑色喱士黑白波點連身裙 $890

文：專案組　攝：馬永堅　服裝：Rojita