呂珊日前出席新城慈善唱K活動，有份演出《宮心計》的她，近期忙於參與劇集的宣傳，她說：「啲演員搞好多飯局，大家輪流請食飯，雖然劇中好多女演員，但無爭戲、博出位呢啲嘢。」稍後呂珊將會返內地參與古裝武打劇的工作，問她可需一個打十個？呂珊表示：「未知，對我嚟講好有挑戰性，因為未試過，我都打得吓，我都算係出身於武打世家。」
除拍劇外，呂珊還要頻頻四出登台，問她工作如此忙，可有機會拍拖？她笑言：「梗係有人追，追我好正常，我好多朋友近排都結婚、生仔，搞到我都想想哋。」雖然裙下之臣眾多，但呂珊暫未揀中固定男友，她說：「都係食吓飯，傾吓電話，有時傾到三更半夜。」問她追求者是否專業人士？呂珊話：「都係醫生、專業人士之類，但識朋友唔計呢啲。」