06/11/2009

播放本新聞相關短片

袁彩雲逼老公香港開店

袁彩雲、張致恒（Steven）日前為日本餐廳開張擔任嘉賓，袁彩雲穿上和服化身溫柔女士，敲酒桶斟酒給嘉賓飲用。她透露稍後隨老公返加拿大處理餐館業務：「其實老公原本要我同佢一齊返加拿大住，但我唔捨得香港嘅朋友，所以正游說佢畀我返嚟開分店，佢唔出錢就我出錢做，依家老公考慮緊。（佢唔畀廚師來港點算？）我今次返去三個星期順便學埋廚藝，總之事在必行，朋友都幫我搵緊舖。」
張致恒
  • 張致恒

此外，Steven透露最近信了基督教，並計劃修讀傳道課程，下周生日的他生日願望是父母都隨他信主，最大心願是返大陸傳教。