演員拍戲經常遇到傷心流淚的戲份，資深演員久經訓練眼淚收放自如，然而新人總經歷「欲哭無淚」的苦況。卸任港姐轉戰拍劇的馬賽，最近首度拍攝劇集《女王辦公室》就遇上「無淚」情況，她說：「有場戲要喊，但係之前啱啱拍完一啲開心嘅戲，用咗好多時間都喊唔出，阿姐（汪明荃）見我喊唔出，就好細心咁同我分析場戲需要嘅情緒，點樣培養感情去喊，最後都順利完成。自己覺得入行以嚟好幸運，有好嘅經理人安排工作，第一次拍劇又遇上阿姐呢啲咁好嘅前輩。」

一臉稚氣的梁烈唯原來已經入行十年，與馬賽十分投契。

深受女士歡迎的梁烈唯最會搞氣氛，逗得馬賽很開心。

磨練中捱出頭

然而以前的新人卻是在磨練中捱出頭來，梁烈唯說：「第一次拍電影就要喊，喊極都喊唔出，現場已經粗口滿天飛話嘥晒啲菲林，突然間副導演走埋嚟二話不說兜巴星埋嚟，當堂呆咗但係都喊唔出，再有個場務過嚟安慰，眼淚就即刻湧出嚟。不過，依家都唔會有呢啲情況囉！」

雖然過去歷盡艱辛，但梁烈唯也體會到只要堅持下去，努力總不會白費。

採訪：影視組

攝影：黎志輝

場地：馬可孛羅港威酒店（La Brasserie）

馬賽

髮型：Sydney@HAiR

化妝：Mon Chun

服裝：iBlues

梁烈唯

髮型：iman Chan@Tl CoLpo

化妝：Johnathan Y