韓星姜至奐和金荷娜早前來港宣傳電影，大談理想對象，姜至奐直言想找「港女」做女友，首要條件是孝順父母，不能駁嘴！
近日韓風襲港，金荷娜和姜至奐早前來港為新片《我女友係零零７》宣傳，二人早前因合作而傳出緋聞，當他們接受無綫《娛樂新聞台》專訪時，齊聲否認拍拖，並公開心中理想對象，姜至奐更公然「飛起」金荷娜，揚言希望在港物色女朋友。
港女都啱
外表有型靚仔的姜至奐，今次來港吸引大批女粉絲支持，自爆目前沒有女友的他，原來打算在港識女仔，他說：「我好鍾意睇香港電影，見到入面啲女主角個個都好靚，我都想搵一個咁有魅力嘅女仔，（今次搵唔搵到？）本來想搵，但今次工作太忙喇，哈哈！」雖然今次冇時間找女友，但他早已定下擇偶條件，他說：「如果我同一個女仔拍拖，佢一定要孝順父母，唔可以駁長輩嘴。」
有伴退休
至於金荷娜亦表示現在沒有時間拍拖，但坦言渴望結婚，幻想將來與「老公」過着退休生活，在農村雙宿雙棲。問她若然目前找到理想對象，可會立即結婚，或是二十年後才嫁？她說：「如果要我揀，我會即刻結婚，如果要等二十年後就會好老喇。不過就算依家有理想情人，都未必可以一齊。」
文：專案組 攝：吳文聰