今期請來靚女詩雅出gag猜猜大家腦筋，睇吓邊個至醒，個腦轉得最快。問題是「身子裏面空空洞洞卻擁有一雙手」，詩雅話這條題目字面簡單，但她也要苦思三分鐘，又要朋友畀貼士，才估中答案。
蘇志威：不用三秒，他就得戚的說：「咁簡單，咪係手套囉。」至於他的草蜢拍檔蔡一智，就要立即沉思，當他知道蘇志威識答時，就更加心急，好在他很快就諗到：「同手有關嘅，咁只得手套，答案係……手套。」
梁詠琪：GiGi第一次係估：「洗衣機，因為內裏面空，又可以當一對手。」當她知答錯時，又叫埋助手一齊諗，結果她說：「同手有關嘅，只有……手套啦。」
謝天華：Laughing哥諗到牙痛咁聲，咿咿呀呀話：「咩嚟o架？燈謎呀？」經多番提供貼士，他終於有點眉目，待gag神再提他可以用作保暖，他才說：「手套、手襪之類，保暖嘢有乜呀？離唔開手套、頸巾同襪嗰啲啫。」講到自己好醒咁。
答案：手套