台灣「星光四少」之一的潘裕文（Peter）日前推出新專輯，更神秘來港舉行簽名會，吸引數百歌迷捧場。有歌迷一口氣買下50張唱片，令Peter感動到眼濕濕。不過，出名錫歌迷的Peter竟拒收下數十份歌迷送的禮物。
他解釋謂：「因為我知好多歌迷都係讀緊書，唔想佢哋嘥錢買禮物。其實心情好矛盾，難得可以出碟，知佢哋想送禮物鼓勵我，不過我都收晒佢哋嘅心意卡，入面寫嘅嘢令我好窩心。」Peter又大讚歌迷自發性以「Peter後援會」名義參加義工。瘦了成個碼的他被問到是否為谷胸拍攝封套而減肥？Peter說：「唔係，之前拍劇每日瞓得５個鐘，之後要出席一連串唱片宣傳，搞到依家得番64公斤。」
