珊珊早前為無綫去了日本群馬縣與北海道取景，她明知當地多美食，故出發前特別閉關一段日子，就連生日都婉拒一眾好友之邀，實行戒酒戒狂食，希望以最弗狀態示人，終於不負所望，成功減掉八磅。

食住超豪

今次是珊珊出埠拍攝旅遊特輯最開心一次，因為全程超豪華，連食早餐都奢侈過人，她一個人就食了一條過千港元的貴價魚，在果園又即摘即食水蜜梨，晚晚又住在附有獨立溫泉之超豪酒店，難怪珊珊笑言旅程結束後魂魄都唔齊，返港仍然不停回味。

提到溫泉酒店，珊珊即興奮表示：「今個trip真係賺晒，可以晚晚喺自己個房入面浸溫泉，而且以前拍親浸溫泉都要包住大毛巾，今次好想試吓依足日本傳統，乜都唔着咁浸溫泉，又唔使夾生谷胸上去，所以先有衝動影番張相留念。」

珊珊捧住水蜜梨，一臉滿足。	珊珊與港姐師妹林莉兩個「高妹」首次合作，即成為好友。	珊珊獲達摩公仔社長厚愛，坐上其蓮花跑車，惜未能鍊番轉。

助手揸機

問到珊珊哪一個如此有幸負責幫她揸相機，她笑言：「大家唔使估啦，只係我個女助手。」令事件不再有遐想。

此外，珊珊此行跟同是港姐出身的師妹林莉十分投契，兩人更成為好朋友，珊珊今次難得遇上高妹，視線不用再往下移，故此她笑言整個行程都覺得好舒服。

文：影視組