何韻詩和許多從事創作的人一樣，經歷了一段時間的付出，心靈會變得乾涸，忙完一個演唱會，由最喧鬧點靜下來，總覺若有所失，對前路亦有點徬徨。她說：「好好彩接咗呢個《男人與女人之戰爭與和平》嘅舞台劇，做完演唱會幾日就要飛去台灣綵排，感覺好似有個機會畀我重新調整，一個全新嘅工作環境，四周啲人講國語，好似返咗學生時代，同劇嘅演員每日互相討論同分享，令我好享受個過程。」

林依晨首次演舞台劇，自言獲益良多。

林依晨、何韻詩及王耀慶日夕相對，從拍檔變成好友。

杜琪峯點名擔正

何韻詩坦言上天有時安排很巧妙，除舞台劇外，同時更獲杜琪峯點名邀做女主角，她說：「對演戲以前好想，但經過咁長時間都無機會有啲放棄咗，點知機會又自己來，感覺幾好，好似突然間畀咗好多信心畀我。」

同劇的林依晨首次演舞台劇，更會到香港作首演，她說：「演電視劇感覺是一直在給予，反而舞台劇可以讓我有所吸收，來香港演出有一點點緊張，不過還好。」王耀慶笑言正因為是第一次，所以有無限的可能，亦不用他這個大師兄教路，自己摸索的道路可能更精彩。

文：影視組

服裝：Agnes b

化妝：Hubei Har of Atelier d' Arris

髮型：Heibie Mok of Hair Culture