胡杏兒昨正日生辰，因在北海道拍劇，故fans提前為她慶祝，有傳其緋聞男友黃宗澤亦有包場為她提早慶生，但昨日在無綫台慶活動上，黃宗澤卻否認說：「我冇出錢喎，我出心啫，（有冇送禮？）人到就心到啦，（你送個心畀人呀？）我講完都知瀨嘢！當晚鄭嘉穎都喺度，（你先係男主人？）咁我都有幫手，我都會sms祝賀佢，（杏兒喺北海道喎，早機去晚機返齊齊慶祝？）我聽日要開工排台慶。」
至於杏兒在生日會上，回顧入行十年，感觸良多而不禁落淚，她的生日願望是身體健康和工作順利，並希望新劇和新碟都受歡迎。而早前她亦跟張智霖接受范振鋒主持的《范後感》訪問，范還播放二人另一半——黃宗澤和袁詠儀的片段。杏兒表示因各有各忙，所以要等工作時才會見黃宗澤。
