丁氏夫婦前晚前後腳出席活動，身為活動公關的Real在千嬅到場前接受訪問，表示不想刻意跟太太合照：「想擺酒嗰日先真正同場，留番最靚先嘛。」Real指品牌希望找一個代表「幸福快樂」的藝人擔任嘉賓，故找來千嬅助陣。問將來會否夫妻檔上陣？Real就說：「老婆係我經理人，佢決定啦，娶到個好老婆，梗係畀佢話事！」Real又笑言願被千嬅抽佣9成9：「怕老婆先會發達嘛！」

丁子高指太太非常幸福快樂。	品牌老闆讚丁子高勤力，千嬅（右）以甜笑回應。	Ana R.亦是嘉賓之一。
張燊悅肚凸凸出席活動。	張瑪莉

全數自動過戶

其後千嬅以Tube-dress配襯值450萬的首飾出場，但Real已經不知所終，品牌老闆向她大讚Real夠勤力，千嬅即哈哈大笑。她表示沒有刻意避開跟老公同場：「經理人公司都唔可能咁做啦，雙CD單碟價咩！佢企咗成日，我驚佢關節有事，咁我出場接棒。」當記者告知Real願獻上9成9酬勞時，千嬅即笑言：「唔抽啦，全數自動過戶。」

千嬅又坦言略為發福：「千祈唔好恭喜我，係因為拍完戲，又食大閘蟹又煲仔飯，仲食緊恭喜飯，唔好話我大肚呀！」她更原地大跳兩下，力證並未懷孕。對於有傳她即將離巢黎明旗下，千嬅就澄清說：「依家傾緊經理人合約，唱片合約仲有一段時間先滿。」

文：音樂組