十二月四日舉行的《萬千星輝頒獎典禮2009》昨公布提名名單，出席演員有祥仔、雯女、蔡少芬（Ada）、佘詩曼等。各項提名揭盅，「最佳男主角」候選者有祥仔、陳豪、黃子華及羅嘉良等。「女主角」則有雯女、Ada、阿佘、楊怡、袁詠儀等。年頭播映的《珠光寶氣》及《宮心計》均有十三項提名，《富貴門》亦有十二項，而《巾幗梟雄》則有十一項。

祥仔與雯女於現場獲最多歡呼聲。

無綫高層與一眾演員切蛋糕，氣氛熱鬧。

現場支持者最多

現場擺放了一個價值十五萬二千元的金獎座，期間記者叫「準視帝」祥仔拿着拍照，他只「眼甘甘」望住說：「唔敢。」及後再叫他與雯女合照時，二人聽到「視帝」「視后」稱號都笑到見牙唔見眼。在揭曉提名時逐一介紹候選人及播映片段，當播到祥仔及雯女的片段時，現場歡呼聲特別多。

談到現場反應最熱烈，祥仔拖着雯女接受訪問時說：「多謝同事支持啦！」問到不是無綫「親生」的雯女可有信心？她說：「我都係喺無綫長大，上次公司好想我拍《歲月風雲》，我都推咗個國產劇返嚟。每個人性格唔同，唔一定要用經理人合約形式合作。」祥仔則覺得去年米雪、夏雨得獎，已打破「非親生」說法，相信無綫不只看商業元素，亦會順應大勢。

陳法拉（左）與陳敏之盛裝出席活動。

蔡少芬獲陳志雲頒發最佳女主角提名獎狀。

蔡少芬睇好自己

此外，Ada坦言志在參與比賽過程，問到是否睇好好姊妹雯女時，她說：「雯女、阿佘、毛舜筠、楊怡都係好姊妹，係要揀一個，我會揀自己。雖然喺觀眾心中個劇係過去式，但我聲都沙埋付出好多努力。」

文：影視組