日前郭富城公開以「王小姐」稱呼王秀琳（Mango），又以「普通朋友」形容對方，與她劃清界線。昨晚Mango出席Ed Hardy太陽眼鏡派對，笑晒嘴輕鬆到場，而對記者的提問亦不動氣逐一回應，明顯有備而戰！問到被城城澄清關係時，Mango表示「普通朋友都係朋友」，又指與城城的友誼不會受影響，更直言不怕跟城城同台做騷。
Mango被問到是否認同城城指她諗多咗時，她即反問：「諗多咗啲乜？（大家有發展機會？）冇諗過，可能係你哋（指記者）寫多咗，我冇諗多到！」至於會否介意城城公開揀Lynn（熊黛林）而不揀她時，Mango話中帶骨道：「唔講呢啲，你哋（記者）自己寫嘅，我冇講過乜，呢個係個大誤會，令郭生諗多咗！（Lynn話終於搞清楚。）係囉！終於開心晒！」而再問Mango會否因城城言論感到受傷害時，她則表示：「其實好開心，因為今日有工作，開心輕鬆到場。」