陳法拉昨日以一身火辣低胸襯衫與陳偉霆（William）齊齊出席活動，最近受一代女神周慧敏（Vivian）訓練十足的William，為法拉以「性感尤物」冠名之餘，亦難忘與Vivian的噴血場面。
法拉與William昨日現身活動，與fans大玩遊戲之餘，又共嘗新口味薄餅，面對性感打扮的法拉，最近頻與一級靚女合作的William亦言不敢斜視，又賣口乖說：「今日一飽眼福同口福，眼福係法拉，口福係有新口味薄餅食。」
性感上陣的法拉，就透露全身打扮由連卡佛贊助，她說：「成身加埋萬幾蚊，頭先試食都格外小心。」法拉又以薄餅提出「長情論」：「自己都幾長情㗎，喺美國嗰陣成日都食薄餅，仲次次都係食同一隻味。」完成拍劇後，法拉最近就忙於為台慶作準備，她說：「今年都係會跳舞，上年喺水入面，今年未知，都希望有啲新嘢帶畀觀眾。」
期待生日拍床戲
至於William就大讚法拉性感惹火外，又透露曾於雜誌中看過對方在劇集中晒bra一幕夠突破。此外，William最近忙於與Vivian拍攝電影《得閒炒飯》（暫名），當中不乏情慾戲，提到與Vivian亦即將生日，有可能在拍攝過程共度，William就大感興奮說：「原來Vivian早我一日生日，如果可以一齊過，真係好開心。（嗰日拍床戲？）嘩，期待呀，係我最大嘅生日禮物。」
個心就快跳出嚟
William又透露日前更差點因Vivian流鼻血，他說：「嗰幕係講Vivian着住低胸衫做啲挑逗動作，我同佢講唔好哄咁埋，小弟個心就快跳出嚟！」而他表示自己係新丁，驚未必控制得好，所以唔可以太近。
另外，William前晚出席電影《關人7事》首映，坦言緋聞女友Angelababy不在港，因此未有邀請對方到場。對近日拍攝電影《美麗密令》及《得閒炒飯》，記者解釋「炒飯」在台灣意指「做愛」，William不禁露出驚訝表情。
文：音樂組