無綫監製梅小青憑愛靚及完美主義，打造的劇集均有收視及口碑的保證，在眾多合作過的演員中，秦沛、黎明、陳豪三位來自不同年代的小生，憑着專業的態度深深打動她。
梅小青監製過數十套電視劇，劇集的收視及口碑皆有保證，先後與過百演員合作，芸芸演員中，三位來自不同年代的演員——秦沛（Paul哥）、黎明、陳豪，均留給她深刻的印象。
秦沛好warm
「Paul哥好有我爸爸嘅影子，佢每一個角色都係叫文叔，因為我爸爸就叫文叔，02年嘅《絕世好爸》係拍嚟送畀我爸爸，不過同年爸爸去世，睇唔到我為佢拍呢套劇，所以每次同Paul哥合作，都畀到我好warm嘅感覺。」梅小青說：「而同黎明合作，佢好好、好投入，拍《原振俠》時佢已經幾紅、好多嘢做，但佢每次都會出席宣傳，一切以宣傳劇集為先，呢種精神幾好。」
楊怡奸得起
近年的演員中，梅小青最欣賞陳豪，指他拍劇好用心、好好人、人緣好、好捱得：「我同佢合作超過二百集電視劇，佢從來未冧過廠，工作態度真係好認真。」
在眾多監製過的劇集中梅小青最喜歡《宮心計》：「部劇構思係喺一次佛教聚會中，睇到做好事、說好話、存好心三句話，覺得要發揚呢個精神，我本身又鍾意靚嘢，就用唐朝盛世嘅後宮作背景，實行靚人靚景。（點解夠膽用楊怡演奸角？）因為有次無意中聽到佢話想試吓做奸人，我又鍾意挑戰，覺得楊怡絕對奸得起。」
完美創作
從事電視工作超過廿載的梅小青，入讀國立台灣藝術專科學校，投身電視圈的首份工作在麗的電視擔任助理編導，結識了丈夫劉家豪及名監製麥當雄，打下深厚創作基礎，其後晉升為監製。1987年轉投無綫，憑着完美主義精神，炮製出多套著名電視劇：《今生無悔》、《原振俠》、《洛神》、《絕世好爸》、《法證先鋒》系列及今年台慶重頭劇《宮心計》。
文：影視組