佘詩曼最近忙於宣傳《宮心計》外，又趕拍新劇《天與地》，前晚十一時許，她與周家怡、黃德斌、徐榮等人在中環蘇豪區拍攝街景，吸引了不少途人圍觀。
錫得煙韌
當晚阿佘與徐榮拍攝一幕街頭擁抱激咀戲，事前兩人站於一旁研究劇情，有名男工作人員先行為阿佘試位與徐榮扮咀嘴，阿佘埋位前亦做足補妝及塗口紅準備工夫。
正式拍攝時阿佘一臉認真，主動攬着徐榮連番激咀，因現場有不少途人睇熱鬧，附近酒吧的顧客見阿佘咀得如此起勁煙韌，竟大聲歡呼及拍照，但卻阻礙了拍攝進度，二人被迫重拍咀戲，錫完又錫，阿佘還忍不住笑而NG，OK後她亦緊張得到攝影機旁看Playback，並與導演等人研究走位。
四萬咁口
未需埋位時，有不少師奶fans上前與阿佘合照及索簽名，又大讚她好戲，氹得阿佘笑到四萬咁口。對於與徐榮當街激咀，阿佘說未有尷尬：「工作啫唔會尷尬嘅，當時有太多記者，有啲緊張囉，但最後效果都好好，大家都好滿意，我同徐榮仲有一場咀戲，但就會返廠先拍。」
文：追蹤組