加入bma後的陳貝兒（Janis），發揮所長忙得十分開心，老闆娘梁芷珊大讚她叻女之餘亦怕她冇時間識男仔，計劃搵個「筍盤」犒賞這個好員工。
Janis昨以bma市場推廣部副總裁身份出席南華足球會活動，除了籌備活動及落力為球會搵贊助外，Janis還擔任司儀，做足「一條龍」服務。
激發母性
問Janis做副總裁還是做節目主持有滿足感？Janis坦言：「台前工作要有充足嘅準備同大台嘅配合，做球會嘅工作，見到班球員着我搵番嚟嘅贊助着到靚靚仔仔，一樣有滿足感，畀佢哋激發我嘅母性出嚟。」
做了副總裁工作兩個月，Janis每日返工十多小時，十分勤力。問她可有時間拍拖？Janis笑言：「要拍拖梗搵到時間嘅，但我冇男友呢，Dry咗好耐喇。」
冇入錯貨
老闆娘梁芷珊亦對這個勤力員工讚不絕口：「佢朝九做到晚九，好幫到手，真係冇入錯貨！」梁芷珊知道Janis市場推廣工作很忙，而司儀工作方面會有大發展，相信她會自行分配好時間。問到可擔心Janis沒拖拍？梁芷珊笑說：「我會幫佢留意啲好男仔，介紹啲『筍盤』畀佢。」
文：影視組