古巨基前晚拍攝加入英皇頭炮新歌《地球很危險》MV，基仔大顯紳士風度，處處照顧來自韓國的女主角。對於近日爆出有多對圈中情侶在拉斯維加斯秘密結婚，基仔表現驚訝，笑言會轉而在首爾拉埋天窗，且要盡快生仔。
古巨基加入英皇後的頭炮新歌《地球很危險》MV，獲贊助商投資七位數字，前晚開拍，MV將連同另一首歌分上、下集，稍後更會邀請網民投票，決定結局。
大讚對手有潛質
基仔今次除兼任MV導演外，更有份構思故事，與韓國模特兒宋米秦（Emily）分別扮演男護士與病人，Emily雖略懂普通話，但細心的基仔仍不時為她充當翻譯，更力讚Emily：「雖然佢本身演出經驗少，但佢拍戲好有潛質，好快進入狀態，同佢做對手戲好似拍緊韓劇咁。」
基仔又笑言MV中親熱鏡頭欠奉：「雖然自己係導演，但唔會刻意加呢啲戲份，最親熱都只係擁抱。」
「真係恭喜佢哋」
問到近日圈中喜事重重，黎明、劉德華以及楊千嬅已分別結婚，基仔對此表現驚訝，更O嘴數秒，才爆出：「真係恭喜佢哋。」追問基仔是否已婚？他即以普通話激動澄清：「我真的未有。」又笑謂：「我唔會去拉斯維加斯結婚，可能去韓國首爾。哈哈！（怕高齡生仔？）盡快啦。」當記者催促基仔娶老婆，他又大耍太極：「等我拎埋張成人身份證先！」
文：音樂組