麥浚龍（Juno）以赤裸半身露肌造型為遊戲機擔任代言人，昨日出席「輕薄版PS3記者會」，大會更安排Juno乘坐黃色林寶堅尼開篷跑車出場。問他騷肌肉造型可經過電腦加工？Juno坦言：「冇o架，可能廣告商睇過我之前音樂會，咁啱佢哋又係想搵個有肌肉而又瘦削嘅人呢！」
提到緋聞女友鍾欣桐（阿嬌）演舞台劇他竟未有捧場，Juno解釋當日因有工作要到日本：「雖然人唔喺香港……（心喺香港？）係十分支持。」對於圈中連環爆喜事，Juno說：「每個人處理都唔同，唔會回應啦，但都恭喜佢哋。」他謂將來結婚都會尊重另一半，不會刻意低調或避忌。
