何韻詩對同公司的劉德華、黎明、楊千嬅紛紛報喜，笑言自己也心急找對象，跟千嬅同是華星出身的她說：「識咗十幾年都唔單聲，（有ＳＭＳ恭喜佢？）有，好戥佢開心，見到個個結婚我都頭痕呀，希望喺呢個月作最後衝刺搵個對象，趕到嘅都想學陳慧琳咁當眾宣布婚訊。」對老友容祖兒笑言為樂壇天后守尾門，阿詩笑說：「即係有落場踢緊啦，好過我仲坐喺觀眾席，連波衫都未有換添。」
對於華仔被網民狂插，阿詩維護說：「佢係圈中難得專一嘅好男人，依家可以公開都戥佢開心，其實佢都有難處，佢唔同普通人，要兼顧好多歌迷感受，大家應該體諒，外人冇需要多加意見。」