26/08/2009

播放本新聞相關短片

楊小娟行善出錢出力

楊小娟、呂良偉昨日為佛教導航精舍籌建般若禪的唱碟錄音,楊小娟唱弘揚佛法的歌曲《清淨法身佛》,而呂良偉亦會錄製歌曲,更邀請劉家昌為此曲作曲。問楊小娟今次是否出錢又出力,她坦言:「唔可以咁講,應該嘅,其實每個人都應該有信仰,做事就唔會咁易偏離,人都會開心、快樂同有方向。」

問會否搵囝囝一起唱,她說:「唔知佢識唔識,如果有小朋友唱都會叫佢,因為有意義。平時我哋燒香,佢都有燒,不過學校係天主教,但小朋友追隨乜都冇所謂,最緊要精神上要有一樣嘢!」她又表示師傅邀請她唱此曲,即一口答應,由於唱的是普通話,所以對她來說難度不大。此外,她坦言都會捐錢給東涌的寺廟,遲些唱碟推出,都會叫朋友購買,幫助捐款。

邊個港姐最靚?立即投票!
詳情瀏覽on.cc《香港小姐2009》