26/08/2009

播放本新聞相關短片

鄧麗欣康復破關復工

今日是鄧麗欣(Stephy)確診豬流感第7日,昨日她精神抖擻接受電話訪問說已經無事,由於要在家中隔離,朋友探病只能門口止步,難怪她形容好似探監,據知閉關養病多天的她,最快明或後天便可復工!

Stephy於19日出席活動時,透露助手確診豬流感,她收工後往看醫生,翌日獲知自己亦中招即留在家中隔離,昨日她接受查小欣《巴巴閉邊個夠我查篤撐》節目電話訪問,顯得中氣十足:「一早退晒燒,之前仲有少少咳、鼻塞,周身骨痛比普通感冒嚴重十倍。」

感激媽媽冒險照顧

Stephy感激媽媽「冒險」照顧說:「我反而驚傳染畀佢,喺屋企做足清潔戴口罩。朋友帶維他命C同食物畀我,我驚傳染叫佢哋唔好入屋,擺低走,覺得好似探監囉。」而緋聞男友方力申則未有探望。

小方出碟預埋女友

由於病菌肆虐,Stephy坦言擔心傳染給人,她又感委屈說:「有人話我冇戴口罩做嘢,自己好想講,第一日冇諗過染病,之前一日睇首映仲非常精神,嗰日(19日)去做嘢途中知同事確診,本想即刻睇醫生,但要完成埋工作,當時仲好精神,但『形』住喉嚨痛,好似發燒,做完嘢即睇醫生,第二日知確診。」她的死敵傅穎指如果有病會戴口罩,Stephy不信對方針對她。而唱片公司發言人指Stephy最快明或後天可復工錄音。

另外,方力申今日推出新碟《七年》,他表示新碟取名是和緋聞女友Stephy的合唱歌歌名。

文:音樂組

邊個港姐最靚?立即投票!
詳情瀏覽on.cc《香港小姐2009》