鄭融、徐子珊、泳兒、鍾舒漫及林峯等前晚於無綫錄影節目《動畫金曲音樂會》，一眾藝人以卡通人物造型示人。扮成「Barbie」的徐子珊谷出湯碗胸上陣，但仍被扮成《IQ博士》中「草菇」的鄭融及「花輪同學」周柏豪搶風頭。

谷胸上陣的徐子珊造型不夠特別。	鍾舒漫慨嘆扮莎莉無人認出。	周柏豪扮花輪同學維肖維妙。

問鄭融為何不跟原著踩三輪車出場？她即沾沾自喜地說：「本身係準備咗，但因為我對腳太長，所以踩唔到！」說畢後即惹來在場人士大笑，但鄭融笑指因「冇幾何」可自稱腳長，故會不斷與朋友說。

鍾舒漫扮嘢冇人識

同場的鍾舒漫因扮演的卡通人物太偏門而無人認識，對此她無奈表示：「《莎莉變變變》以前好紅㗎！但係我扮咗莎莉成日都冇人識！」至於近期頻頻為無綫工作的古巨基，問他可擔心惹來換獎疑雲？他說：「你哋唔講就冇事，之前記者會都宣布咗由我做大使，而且好多藝人都係咁。」

另外，李珊珊表示要顧及錢嘉樂另一半感受，故欲跟對方劃清界線一事，湯盈盈聽後即冧笑：「係咩？唔會嘅，我唔知呀，可能唔係講緊我呢。（介意男友同前女友做朋友？）唔介意，有咩所謂！」同場的張敬軒則透露明年將自資五位數字，以講故事及會話形式推出教授普通話的CD。

文：影視組