本文重點
郭羨妮（Sonija）、郭晉安、胡定欣、陳美詩及梁政珏等昨日出席葵芳新都會廣場《古靈精探B之誰是兇手》活動。Sonija說在劇中與BB仔合作有難度：「今次劇入面有好多得意奇案，用咗三個BB演員，擺明穿崩㗎，但勞工法例所限都冇法。同BB仔合作有難度，要有耐性，因為佢唔知你想點，拍嗰時都觸發到我嘅母性，（想生B嫁人？）依家唔想生住，想單身，呢種事冇得急，要搵啱對象至得，都係留番畀上天安排。（請咗新家傭？）冇，唔係有陰影，係覺得自己都搞得掂，唔係太需要工人，家務可以自己做番。」
齊為風災籌款
郭晉安則說將與劇中一班演員參與台灣88風災籌款：「我有信心今輯好過上次，上輯我演得誇張，今次收斂番，個劇本來17日第一集，但撞正台灣88風災籌款，《古靈精探B》一班演員到時都會亮相籌款，未知表演咩，等曾志偉通知。」
另外，以一身黑色tube dress示人的梁政珏說：「套衫係劇入面嘅私伙戲服，我在劇內演模特兒，有好多戲服都自己襯。」而眾人玩遊戲時，劉玉翠因太肉緊傷及耳仔，但幸好並無大礙。
文：影視組