前晚，陳妙瑛的化妝學校Beauty Tech舉行「Beauty Tech 09秋冬化妝及人體彩繪匯演」活動，出席的有Lavina、官恩娜、盧巧音及林莉等，當中尤以Lavina及官恩娜的tube dress打扮最為性感。而主人家陳妙瑛則笑言自己久未出show有點緊張，問到她是否久未「谷胸」？她說：「唔使谷，好自然！」

陳妙瑛撐學生

身為美容學校老闆的陳妙瑛，今次瞓身支持學生，親自上台行騷，更由學生為她化妝。陳妙瑛透露邀請了多間大公司的高層來睇騷，希望他們趁機挑選學生，為學生尋找工作機會。

而有份行騷的Lavina對於Yumi被指援交，表示不知內情不作評論，但奉勸香港少女不要有此行為，她說：「我絕對唔鼓勵，因為一失足成千古恨，後果比想像中更大。」而有不少衞道人士亦指G模出寫真敗壞風氣，Lavina說：「差好遠！唔可以（同援交）相提並論，援交係冇尊嚴。（你有人問價？）有人打過去公司想約我食飯，但公司都推晒。」

官恩娜（右起）、盧巧音、陳妙瑛與林莉齊碰杯。

官恩娜化濃妝示範人體彩繪。

官恩娜有排捱

至於關心妍、徐淑敏（Suki）等相繼傳出婚訊，官恩娜則說：「恭喜晒佢哋！（羨慕？）係戥佢哋開心，Suki個樣似嫁得好。（你個樣似咩嘢？）我睇自己有排捱！」

文：影視組