新人何浩文（Dominic）在無綫電視電影《南華夢飛翔》中飾演「贏一球」，本身是跳舞組合BRO5成員的他，第一次拍劇就擔正做主角，令他喜出望外。不過最令Dominic難忘的，是與著名球員羅比堅尼落場踢波：「當我知道可以同羅比堅尼踢波嗰陣，我真係好亢奮，嗰種興奮好難用言語形容。」
由於劇中演員全是後生仔女，所以Dominic與大家合作得十分愉快。而問到他對劇中女友DaDa的感覺時，Dominic竟笑謂不敢與對方交談太多：「佢太靚女，所以唔係太敢同佢傾偈，怕尷尬。反而DaDa就好男仔頭，仲成日同我鬥講爛gag。」
雖然開心事一籮籮，不過Dominic直言拍劇有很多辛酸是他始料不及的：「有次拍拍吓我唔小心整親腳，但因為趕戲都要繼續頂硬上，仲要拍踢波戲添。講真，我係有少少估唔到會咁辛苦嘅。」