林海峰（阿Jan）將於9月17至22日在紅館開棟篤笑《是但噏我願意》，主題圍繞「結婚」，阿Jan笑言追溯幼稚園年代，他已有結婚衝動：「嗰時個女同學靚女，咪諗住要結婚囉，仲有身體衝動……拖佢隻手㗎。」然而要從阿Jan口中說「我願意」，阿Jan以「日全食」幾百年先會有一次來形容，「我願意」地位等同講「我愛你」。雖然話難講，偏偏有一個人，令阿Jan心甘情願對她講一世「我願意」。
娶彭羚壓力大
98年阿Jan一句「我願意」迎娶彭羚，問他當年作出愛的承諾可有兌現？阿Jan笑言：「男人說明書講嗰啲通常都唔work，但說明書冇講到太太有咁嘅『功能』反而有喎，所以話母愛係偉大嘅。（當年「趁低吸納」娶到好老婆？）我高位入市，攞女歌手獎㗎，你又唔知我壓力大，好大負擔㗎……」
今次Talkshow icon是為人熟悉、一講大話即變「長鼻子的小木偶」，問他是否意味婚姻背後需要「講吓大話」？阿Jan即保持神秘：「呢個係一個扯線木偶嚟，再講落去就講咗個騷內容，不過個騷真係唔係講結婚嘅……。」
底線唔賣後面
今次阿Jan不打算唱獨腳戲，招攬了各方準新人到紅館講「I Do」，阿Jan笑言：「當日聽到黎明開個Dream Wedding演唱會，係有小憂慮，搞到我腳軟咗一段時間！」每次開騷都掀搶飛熱潮，阿Jan堅持三面台，他笑說：「做Talk騷，我嘅底線係唔賣後面㗎。」
文：音樂組