姜紫藍昨日穿低V連身裙「拋胸」到動漫節為寫真集谷宣傳，她表示公司安排了工作人員為她「護駕」，慶幸未有不快事件，笑說若然有人趁亂博懵便會踢對方下體。而同門組合Agirls前來撐場，在場跳舞表演。
o靚模近期飽受外間抨擊，但姜紫藍卻以o靚模自居，指寫真內除了圖片外，還有她所寫的散文，原來姜紫藍以筆名「彩」在報章上寫專欄已有一段時間，她暗寸鄧麗欣說：「我唔敢叫自己做才女，驚畀人捉錯字，只係希望人哋知道o靚模都識寫嘢，波大唔代表冇腦。」問她會否效法周秀娜以「奇招」谷寫真？她說：「唔會，大家嘅路線唔同，各有各做啦。」
