周秀娜於動漫節售賣的人形攬枕引起兩極反應，有人一見即左閃右避，有人卻相當鍾意。
楊妹妹 12歲
「我知道有呢個攬枕賣，雖然係幾好攬，但就覺得太大個，我又唔鍾意周秀娜，所以覺得598蚊好唔抵。」
陳小姐 19歲
「我一定唔會買，更何況要成600蚊，可能只係我對佢冇興趣，但我覺得有男仔會鍾意，同埋佢咁做出嚟效果都幾好，我又覺得出攬枕冇問題。」
Matthew 18歲
「睇報道知道有呢個攬枕賣，好唔好攬就麻麻地，不過我覺得實有人鍾意，而且對Artist本身都係好事，起碼多咗話題，多咗人識佢，但自己就冇興趣。」
王先生 23歲
「對個攬枕一啲興趣都冇，所以幾多錢都唔會買，但就覺得幾好攬。我有同事都幾鍾意佢，可惜個攬枕成600蚊，我諗佢哋都唔會買。」