上周四，GiGi撰寫的《小黃花的奇想世界》於書展推出，這是四女當中最後推出的故事書，其好友楊采妮、李心潔和許茹芸專程抽空來港支持。由於她們相聚時間只得一天，故是次訪問過程變成四女的歡聚時光。

楊采妮係友誼小姐

采妮最先打開話匣子：「我哋四個好難先可以集齊喺同一個地方，今次真係好難得，對上嗰次四個一齊已經係大半年前！」由於要合作出書，四人相處時間比過往多，令友誼更加深固。心潔說：「采妮係我哋咁多個中嘅組長，佢會用唔同途徑提我哋交稿，搞到我哋唔敢怠慢，佢同時係我哋之間嘅友誼小姐，因為好多活動都係佢發起。」

四女都是大忙人，為爭取時間見面，有時會到各人家中借宿。心潔表示：「我有次去台灣做嘢，去咗許茹芸屋企住，點知玩足三日三夜冇瞓過，返到自己屋企就患急性盲腸炎，搞到要去割盲腸，哈哈！」采妮則踢爆GiGi是「夜貓」不願睡覺，她說：「我同佢去日本，佢好夜瞓，又好鍾意夜麻麻捉住人傾偈。」GiGi聞言即說：「我同許茹芸都好夜瞓，將來我哋四個一齊去旅行，你同早瞓嘅心潔一間房就啱喇！」

心潔GiGi同道中人

另外，心潔自爆四人的認識均是透過采妮介紹，認識GiGi後，她才驚覺和GiGi是「同道中人」。她笑說：「我識咗GiGi之後，先知道呢個世界有個同我一樣咁大頭蝦嘅人！佢同我一樣成日唔記得嘢，有時佢仲比我嚴重，所以我同GiGi簡直係一見如故。」

俗語有云三個女人一個墟，四個女人聚在一起真是不得了，嘻嘻哈哈說個不停，當中少不免會提及感情事，但她們異口同聲說：「我哋都會有內心話，包括感情事，但要講嘅自自然然會講，唔會主動問對方。」

文：音樂組

場地：dRAVE