姚子羚與黃嘉樂在無綫劇集《烈火雄心３》中飾演鬥氣情侶，與扮演有婦之夫的陳展鵬上演一幕三角苦戀。而現實之中，姚子羚與黃嘉樂的愛情路與劇裏一樣崎嶇難行，二人同樣分別跌進三角苦戀，認真百般滋味在心頭。

謝絕做第三者

其中姚子羚透露曾經被有婦之夫追求，不過她一口拒絕，皆因她不希望墮入三角陷阱，她說：「我接受唔到有婦之夫，因為我唔想做第三者破壞人哋婚姻，而且我唔鍾意同人分享同一個男友，就好似以前喺澳洲讀書時，發現對方一腳踏兩船，感覺好痛心，好似畀人背叛咗咁，雖然我畀咗一次機會佢，不過最後仍然分手收場，因為我返咗香港發展，分隔二地。」

明白愛情現實

而黃嘉樂揚言過往對於愛情甚有憧憬，不過每次拍拖都有不快遭遇，令他發現有情並非飲「水」飽，一定要有「麵包」配合，他說：「以前覺得愛情應該好簡單，不過經歷對方一腳踏兩船、同埋好多嘢之後，明白愛情其實都好現實，好多嘢都要講條件，曾經有女朋友話我經濟條件唔符合，畀我好大打擊，所以我冇幾千萬喺手都唔會結婚。」

文：影視組

場地：Balalaika Russian Restaurant

髮型：Taylor Wan@Rever（姚子羚）

化妝：Tiffany@Annie G Chan（姚子羚）