之前被指發福不少的李曼筠（Maggie），近日正努力keep fit減肥，除了節食外，Maggie還每日抽兩個小時狂做運動：「不嬲我對身形要求都唔算太高，但覺得身為藝人外形好緊要，所以就下定決心要努力減肥。我依家每晚過咗八點之後都盡量唔食嘢，而且每餐都食得好清淡，除咗煎炸嘢完全唔食之外，連鹽同油都戒埋，初頭真係好難捱，但習慣咗之後就冇嘢。至於運動方面，我每日都會抽一個鐘頭跑步，跟住就用多一個鐘頭做器械修身，咁樣個線條會靚好多。」
在短短兩個月便能成功減掉十磅肥肉的Maggie，笑言現在穿衣服比從前方便很多：「以前着啲緊身衫成日都要記住縮起個肚腩仔，依家就輕鬆好多喇，而且各種類型嘅衫都着得，所以覺得無論幾辛苦減肥都值得咯。」