跟羽翹同公司的藝人有很多都是整容嬌娃，羽翹因而被誤為人工美女，她日前接受ontv《娛樂on Show》訪問時，談及整容這敏感話題，她不諱言自己支持整容。

羽翹自認是港女，並認為港女不比日女、台女差。	羽翹上ontv接受訪問，展現頑皮一面。	放大圖片

「抽血都會死」

可是羽翹一直不夠膽「人工變靚」，原來全因她怕痛，羽翹說：「我向來都好怕痛，諗到就痛，我係一個抽血都會死嘅人，覺得自己冇必要搞呢啲嘢。」雖然口口聲聲話自己沒有整容，但原來為了靚靚，羽翹曾做過脫毛和牙套手術，她說：「做牙套唔痛㗎，只係磨細啲牙。」問到是否抗拒整容？羽翹說：「人哋覺得整咗自信多咗，整咗又開心啲，我覺得冇問題。」她又自言若有一天有無痛整容，自己也願嘗試去走baby fat！

為港女大平反

羽翹的新歌是為港女平反而寫的，她說不明白為何日本、台灣的女生就被港男奉若神明，談起港女就避之則吉！羽翹是個食飯AA制、買袋買衫都是靠自己的人，不過她覺得男生是有義務送女仔回家：「啲男仔成日都叫女仔lady啲，話我哋唔夠lady所以唔會送我哋返屋企，我覺得唔成理由囉！」

文：專案組