馬浚偉早前到了清遠市連南縣一瑤族山區做探訪，以親善大使身份出席了當地一間小學的畢業禮，馬仔還帶了字典做禮物以示鼓勵，馬仔說：「因為啲路好爛，我哋坐車上去學校都好辛苦，但啲小學生就要每日行兩、三個鐘至返到學，所以我準備下次送波鞋畀佢哋，無論大人、小朋友喺生活上可以更方便。」
馬仔又發覺山區居民的住所也很簡陋，部分人要在屋頂開洞，好讓光線透入增加屋內光度，雖然生活質素差，但居民很熱情，硬要烚粟米招待馬仔，馬仔堅決拒絕好意：「佢哋本身唔多儲糧，但仲要攞嚟招呼我，我已經好感動，呢次探訪啟發到我以後食嘢唔好浪費。」
