《竊》片本周才在本地上映，日前率先在內地公演，票房及評語亦相當不俗，令眾演員高興不已，不過風光背後卻各有辛酸，在片中古仔、青雲及吳彥祖先後被殺害，拍攝過程驚心動魄。

斷手斷腳

為了角色增肥及扮老角的古仔，拍一場被大型貨車撞至斷手斷腳戲份，辛苦非常：「我哋畀人追殺，仲禍及家人，我就畀車撞到左手左腳折斷，全程要拗住手腳去拍，感覺好難受！搞到有啲痠痛，覺得同拍打戲冇分別，所以話瞓喺床度拍戲都未必係好事！」古仔說直情覺得慘過遊街示眾。

被人偷拍

古仔在片中演刑事情報科科技人員，拍攝前專程與拍檔及有關人士會面吸取經驗，奈何政府有保密條例，要求每位離職監聽者七年內不能談及以往的工作範疇，令眾人空歡喜一場。古仔說：「今次嘅機會，至少對呢方面嘅工作性質有更深嘅認識，喺戲裏面我亦參考咗監聽人員說話速度快嘅特點。」吳彥祖則笑言：「拍完部戲，喺屋企除衫，腦袋都會閃出畀人偷拍嘅念頭。」

文：影視組