鄭融被滋擾後，前晚與薛凱琪錄影《勁歌金曲》，擔任嘉賓主持，全程笑容滿面，並即時大唱西班牙歌，心情似是回復不少。同場的阿倫表示有看過鄭融被滋擾的新聞，並透露自己也曾被女fans抽水，他說：「嗰陣去馬來西亞、菲律賓，畀啲鹹豬手海底撈月……梗係有還手啦，醒咗佢一拳。」其後拍照時阿倫頻頻鬼馬地翹手護胸，並說：「呢嗰係防狼入門術，依家有新科技，臨出場前抹啲粉喺身，色狼一摸咪好似打手印囉！不過就變咗人肉星光大道！」

鄭融錄影《勁歌》，與眾人玩得好開心。

阿倫教防狼招。

難忘入雪櫃

極速收拾心情的鄭融，回顧入行五年來的經歷，坦言最難忘被公司雪藏的一段時間，幸好有一班圈中好友，如張敬軒、薛凱琪等的支持，最後都可以過渡到。薛凱琪被問到鄭融心情如何時，她說：「都OK嘅，但尷尬嘅嘢唔會問得太詳細，商場騷先會同觀眾咁近，好難小心，公司有教行嗰陣隻手擺前面。」

另外，同場的方力申被問到Juno溝女模傳聞，即說：「做咩要問我？人哋嘅嘢我唔答。」同時撐鄧麗欣雖然會考中文只得一分，但仍算合格，政府都有鼓勵人求學不是求分數。

文：影視組