身為Reebok代言人的祖兒，昨日出席Reebok和太陽劇團合作研究的JUKARI Fit to Fly全球首創原創健身運動開幕活動，祖兒更即場試玩恍如空中飛人式的JUKARI Fit to Fly健身動作，示範凌空自轉等動作，大叫好玩，更喚起小時跟弟弟玩爬架的童年回憶。四位名模Jocelyn、Amanda S.、Marcella B.及「翻版徐子淇」鍾浠文（Zelia）則同場示範新裝，期間Zelia演釋白色薄貼上衣時，雖內有背心打底，但右胸卻露出一片啡肉色疑似Nude Bra。

廿對眼睛作監察

身為座上客的祖兒事後也坦言見到Zelia走光：「佢件衫歪咗，好多時換衫會好匆忙，好似開演唱會時因為要quick change，換衫會有晒steps，試過換完先發覺條打底褲仲喺地下！又試過整理胸前嗰陣想撥番好啲『肉』，點知勁得滯，走晒光！有時緊張得滯又會抽高咗條底褲，露出底褲邊。」祖兒笑言開騷換衫時定必有廿多對眼睛作監察，她說：「好彩無乜大件事發生，最勁一次都係喺演唱會爆呔，裏面仲只係着T-back，好彩Mani即刻畀條毛巾我！」

選導演如選男友

對於有指好友阿嬌因發現麥浚龍向女模發情慾短訊而怒斬情絲，祖兒說阿嬌無向自己呻過，現努力用心排劇，祖兒說：「喺歌手立場，我認為有啲雜誌嘅報道係唔可信，除非我真係知有咁嘅事。我無回應。」對於其廣告被指有抄襲之嫌，祖兒說感到不快、愕然及尷尬，更言下次選導演時，要像揀男友般小心，並否認即將開拍的新一輯廣告是為了「補鑊」。

另外，Zelia事後表示首次發生走光事件：「好驚，唔知影咗啲咩！因為換衫時間好緊張，應該係換得快，扯得件衫太低，所以露咗Nude Bra，都係行完騷先有人話我知。」

文：名人組