周秀娜（Chrissie）日前以五位數酬勞拍攝「ＩＱ博士」休閒服廣告，Chrissie擺出多個甫士瞓身拍攝。不過，今次她卻收起了導彈身材，最多只是晒吓長腿。而sell調皮可愛的她，在其中一個造型戴上鴨嘴帽扮小雲，似乎有意洗底賣清純，撇甩o靚模稱號。

Chrissie承認外間的是非令她工作量增加不少。

放大圖片

相信客戶眼光

對於全城圍剿o靚模，Chrissie表示每個人對同一件事都有不同見解，她作為模特兒，只會做好本分。以今次廣告為例，Chrissie就應廣告商要求擺出可愛的甫士，並不是刻意洗底賣清純。她表示：「我成日參與唔同類型嘅工作，每次都會着番配合主題嘅服裝。（是非愈多工作愈多？）哈哈，都係o架，多謝廣告商嘅厚愛，我唔會因為外界嘅評論而受影響，我會繼續我嘅工作態度，相信客戶眼睛係雪亮嘅。」

動漫節谷人氣

Chrissie又自言是「ＩＱ博士」的忠實fans，家中亦有收藏該卡通的精品，她說：「之前知道馬拉松同Cataloo靚有得賣呢款Ｔ恤，我特登買咗好多作私人珍藏，估唔到今次有機會為佢哋拍廣告，所以尋晚我都興奮到瞓唔着。」

另外，Chrissie將於周五現身動漫節，並會推出Ｑ版雪糕、牙刷及鎖匙扣谷人氣。

文：影視組